Ο κύρη σ’, σ’ άλλον δί’ σε

Αγαπώ σε, νε πουλόπο μ’,
και -ν- εσύ -ν- οπίσ’ ’κι πας
Πώς ο κύρη σ’ σ’ άλλον δί’ σε
κι έρ’ται κούζ’ με ση χαρά σ’;

Θέλ’ κεμεντζ̌ετσ̌ήν 
για να ’φτάει τρανόν χορόν
Κι έρ’ται λέει εμέν
ση χαρά σ’ να τραγωδώ

Για τ’ εμάς ’κι ξέρ’ ο κύρη σ’
και -ν- εσύ τιδέν ’κι λες
Ρίζα μ’, να μη στεφανούσαι
πέει ατον εμέν πως θέλτς

Άκ’σον με καλά,
το καρδόπο σ’ μη πουλείς
Πέει τα κυρουκά σ’
τηνάν αγαπά η ψ̌η σ’

Αγαπώ σε, νε πουλόπο μ’,
και -ν- εσύ -ν- οπίσ’ ’κι πας
Το καρδόπο σ’ ποδεδίζω,
το κακόν ατό μ’ ευτάς

Η ζωή τ’ εμόν
’δέν ’κι αξίζ’ χωρίς εσέν
Έλα ας φεύουμε,
ν’ αποθάνω κρίμα έν’

Άκ’σον με καλά,
το καρδόπο σ’ μη πουλείς
Πέει τα κυρουκά σ’
τηνάν αγαπά η ψ̌η σ’