Άτσ̌απα θάμαν γίνεται

Άτσ̌απα θάμαν γίνεται
κι ο κόσμον εμαζεύετεν;
Τη Σέρας σύρ’νε το χορόν,
νασάν ατόν π’ ευρέθεν!

♫

Κι αναστορούν άλλους καιρούς,
κι αναστορούν ντ’ εδέβαν
Πατρίδα μ’, τ’ άγια χώματα σ’
αλλόθρησκοι επέραν

♫

Όπου πατούνε σείουνταν
τη γης ι-μ’ τα θεμέλια
Κι όσταν τσ̌αΐζ’νε σείουνταν
τη Πλάστη τα αιθέρι͜α

Γραμμένα έχ’νε κι άγραφα
σο νουν και σην καρδίαν
ντ’ εφέκανε οι πρόγονοι
όλεν την ιστορίαν

♫

Κι αναστορούν άλλους καιρούς,
κι αναστορούν ντ’ εδέβαν
Πατρίδα μ’, τ’ άγια χώματα σ’
αλλόθρησκοι επέραν

♫

Τη Σέρας σύρ’νε το χορόν,
τραντάζ’νε τα ορμάνι͜α
Τη κεμεντζ̌ές το παίξιμον
ταράουνταν τ’ ορμάνι͜α