Πέει με «ναι»

Θα ρωτώ σε οσήμερον
και -ν- η καρδία μ’ σίδερον
Πέει μ’ ατο πριν να μερών’,
σ’ όνομα σ’ πίνω νερόν

Αγαπώ σε λέγω σε,
έλα να λελεύω σε
Κι εμπορεί μαεύω σε
και σ’ εγκάλια μ’ φέρω σε

Σ’ ομματόπα μ’ φέρω σε,
πέει με «ναι» και παίρω σε
Πέει μ’ ατο πριν να μερών’
απάν’ σο γλυκύν χορόν

Αγαπώ σε λέγω σε,
έλα να λελεύω σε
Κι εμπορεί μαεύω σε
και σ’ εγκάλια μ’ φέρω σε

Απάν’ σ’ έμορφον χορόν
εκορώθα ο άχαρον
Φέρε με λίγον νερόν,
για τ’ εμέν ’κι θα μερών’

Αγαπώ σε λέγω σε,
έλα να λελεύω σε
Κι εμπορεί μαεύω σε
και σ’ εγκάλια μ’ φέρω σε