Τη χαρά σ’ τρώγω, μανίτσα μ’

Τη χαρά σ’ τρώγω, μανίτσα μ’,
αγαπάς με εξέρ’ ατο
Λόγο σο κορίτσ’ εδέκα,
νύφε ’σπίτ’ να φέρ’ ατο

Έναν κι έναν είμες δύο,
τρία, μάνα μ’, μετ’ ατέν
Την καρδία μ’ θα μοιράζω
το κορτσόπο μ’ και -ν- εσέν

Άνοιξον την πόρταν, μάνα,
τέρεν ντ’ έγκα σε -ν- εγώ
Άγγελον κρατώ σα χ̌έρι͜α μ’,
σην καρδία μ’ το Θεόν
Άγγελον κρατώ σα χ̌έρι͜α μ’,
σην καρδία μ’ το Θεόν
Άνοιξον την πόρταν, μάνα,
νύφεν έγκα σε -ν- εγώ

Τη χαρά σ’ τρώγω, μανίτσα μ’,
έναν έ͜εις με μαναχόν
Καλωσόρτσον ατέν νύφε,
ποίσον το χατίρ’ τ’ εμόν

Έναν κι έναν είμες δύο,
τρία, μάνα μ’, μετ’ ατέν
Σην καρδία μ’ έχω μόνο
το κορτσόπο μ’ και -ν- εσέν

Άνοιξον την πόρταν, μάνα,
τέρεν ντ’ έγκα σε -ν- εγώ
Άγγελον κρατώ σα χ̌έρι͜α μ’,
σην καρδία μ’ το Θεόν
Άγγελον κρατώ σα χ̌έρι͜α μ’,
σην καρδία μ’ το Θεόν
Άνοιξον την πόρταν, μάνα,
νύφεν έγκα σε -ν- εγώ (x3)