Για τ’ εσέν και για τ’ εμέν

Για τ’ εσέν και για τ’ εμέν
η ζωή γραμμένον έν’
Αγαπώ σε λέγω σε,
θέλω σε, θέλω σε, λελεύω σε!

Η καρδία μ’ έναν έν’
και εδέκα ’το εσέν
Άλλο ’δέν πα ’κι απομέν’
για τ’ εμέν, για τ’ εμέν, για τ’ εμέν

Όσο θέλω σε να θέλτς με,
γιάβρι μ’, κι άλλο ’δέν μ’ ευτάς
Μόνον τ’ άσπρον το φιστάνι σ’
φόρ’ και μετ’ εμέν να πας
Φόρ’ το άσπρον το φιστάνι σ’,
ρίζα μ’, ποδεδίζω σε
και σην εκκλεσίαν έλα
την ψ̌η μ’ να χαρίζω σε

Για τ’ εσέν και για τ’ εμέν
ένα στράταν μόνον έν’
Έπαρ’ με να παίρω σε,
θέλω σε, θέλω σε, λελεύω σε!

Η καρδία μ’ έναν έν’
και το λόγο σ’ αναμέν’
Άλλο ’δέν πα ’κι απομέν’
για τ’ εσέν, για τ’ εσέν, για τ’ εσέν

Όσο θέλω σε να θέλτς με,
γιάβρι μ’, κι άλλο ’δέν μ’ ευτάς
Μόνον τ’ άσπρον το φιστάνι σ’
φόρ’ και μετ’ εμέν να πας
Φόρ’ το άσπρον το φιστάνι σ’,
ρίζα μ’, ποδεδίζω σε
και σην εκκλεσίαν έλα
την ψ̌η μ’ να χαρίζω σε (x3)