Σκουτουλίζ’ ολόερα μ’

Σκουτουλίζ’ το ψ̌όπο μ’, γιάβρι μ’,
όντες είσαι μετ’ εμέν
Λες κι ορμάν’ όλιον τσ̌ιτσ̌άκια
ση καρδία μ’ απέσ’ έν’

Ατά τ’ έμορφα τ’ ομμάτι͜α σ’
το Θεόν δεκνύζ’νε με
Ναι ’κι αλλάζω σε, τον κόσμον
όλιον να χαρίζ’νε με

Αγαπώ σε, τραγωδώ σε,
εγεννέθα για τ’ εσέν
Με το αίμα ας σην καρδία μ’
τ’ όνομα σ’ γραμμένον έν’⇋

Σκουτουλίζ’ το ψ̌όπο μ’, γιάβρι μ’,
όντες κάθουμαι σουμά σ’
Και το κόσμον που ελέπω
έμορφον εσύ ευτάς

Μόνο με τ’ εσά τ’ ομμάτι͜α,
ποδεδίζ’ ατα, γιαβρί μ’,
έν’ γομάτον η καρδία μ’
κι εμπροστά πάει η ζωή μ’

Αγαπώ σε, τραγωδώ σε,
εγεννέθα για τ’ εσέν
Με το αίμα ας σην καρδία μ’
τ’ όνομα σ’ γραμμένον έν’⇋

Αγαπώ σε, τραγωδώ σε,
εγεννέθα για τ’ εσέν
Με το αίμα ας σην καρδία μ’
τ’ όνομα σ’ γραμμένον έν’⇋