Έναν παιδόπον έμορφον

Έναν παιδόπον έμορφον
εθέριζεν με τ’ άλλα
Είπα το, ας θερίζομε 
και κοιμούμες εντάμαν

Τ’ ομματόπα σ’ παρλαεύ’νε,
το καρδόπο μ’ τογραεύ’νε
Ατώρα πα -ν- εγροίκ’σα το
εμέν πως αραεύ’νε

Ατώρα πα εγροίκ’σα το
εμέν πως αραεύ’νε

Σον Αε-Σέρ’ αφκά καικά
θερίζ’ τ’ εμόν τ’ αρνόπον
Ντό έμορφα και νόστιμα
κρατεί το καγανόπον!

Τ’ ομματόπα σ’ παρλαεύ’νε,
το καρδόπο μ’ τογραεύ’νε
Ατώρα πα -ν- εγροίκ’σα το
εμέν πως αραεύ’νε

Ατώρα πα εγροίκ’σα το
εμέν πως αραεύ’νε

Έλα, γιαβρόπο μ’, μετ’ εμέν
κι ας πάμε σα χορτάρι͜α
Εσύ θερί͜εις κι εγώ δένω
κι ευτάμε μαξιλάρι͜α

Τ’ ομματόπα σ’ παρλαεύ’νε,	
το καρδόπο μ’ τογραεύ’νε
Ατώρα πα -ν- εγροίκ’σα το
εμέν πως αραεύ’νε

Ατώρα πα εγροίκ’σα το
εμέν πως αραεύ’νε