Αγαπώ σε

Αγαπώ τ’ ομματόπα σ’,
αγαπώ τα χ̌είλι͜α σ’
Αγαπώ την καλατσ̌ή σ’
κι ευτάω τα χατίρι͜α σ’

Αγαπώ σε, αγαπώ,
ομνώ σην Παναΐαν
Άλλο μη τυρα̤ννί͜εις με,
έφαες την καρδία μ’

Αγαπώ σε, πουλόπο μ’,
για τ’ εσέναν χάμαι
Άνοιξον τ’ εγκαλιόπο σ’
και καλά για κράτ’ με

Αγαπώ σε, αγαπώ,
ομνώ σην Παναΐαν
Άλλο μη τυρα̤ννί͜εις με,
έφαες την καρδία μ’

Αγαπώ σε, γιαβρόπο μ’,
λύουμαι για τ’ εσέναν
Θέλτς δέβα σον ανοιχτήν
κι ερώτα για τ’ εμέναν

Αγαπώ σε, αγαπώ,
ομνώ σην Παναΐαν
Άλλο μη τυρα̤ννί͜εις με
έφαες την καρδία μ’!