Σατυρικόν

Ας λέω σας, ε! παιδία,
έναν τρανόν αληθείαν
πως ζουν οι πολιτικοί
σην Ελλάδαν οι τρανοί

Παπανδρέου, Μητσοτάκης,
ο Κύρκον και ο Φλωράκης
Όλ’ εσέβαν σο χορόν,
όλ’ εντάμαν για να τρών’

Εποίκαν πρωθυπουργόν
τον Ζολώτα Ξενοφών
Ευκαιρώθαν τα ταμεία
για να τρώει η αρχοντία

Οι τρανοί τρών’, ’κι χορτάζ’νε,
κι οι φτωχοί αναστενάζ’νε
Και τα πράματα ακριβαίν’νε
κι όλ’ τον εφτωχόν αλμέγ’νε

Ν’ αηλί πάντα τον μικρόν,
ατός πάντα θα πληρών’
Ντό δουλείας είν’ ντ’ ευτάτε
και -ν- εμάς ξάι ’κ’ ερωτάτε;

Πάρ’ τον έναν, ντως σον άλλον,
κανείς ’κ’ έν’ για το καλόν
Ατό έτονε παρών
τη Ελλάδας το κακόν