Έλα, έλα

Λύεται και μαραίνεται [πουλί μ’/γιάβρι μ’]
τ’ έρημον το καρδόπο μ’
Όντες τερώ σ’ ομματόπα [πουλί μ’/γιάβρι μ’]
τ’ έμορφον το αρνόπο μ’

Για έλα, έλα, πουλί μ’,
μετ’ εμέν έλα, γιάβρι μ’
Ατό τ’ εσόν το τέρεμαν, πουλί μ’/γιάβρι μ’
θα σύρ’ και παίρ’ [γιάβρι μ’, αρνί μ’] τ’ αχούλι μ’

Τέσσερα χρόνι͜α μαυροζώ [πουλί μ’/γιάβρι μ’]
κι ακόμαν υποφέρω
Εγώ εσέν εγάπεσα, [πουλί μ’/γιάβρι μ’]
εγώ εσέν θα παίρω

Για έλα, έλα, πουλί μ’,
μετ’ εμέν έλα, γιάβρι μ’
Ατό τ’ εσόν το τέρεμαν, πουλί μ’/γιάβρι μ’
θα σύρ’ και παίρ’ [γιάβρι μ’, αρνί μ’] τ’ αχούλι μ’

Εσέν ντ’ εποίν’νεν η μάνα [πουλί μ’/γιάβρι μ’]
πώς έτον αβαράσσα!
Εποίν’νε σε παντέμορφον [πουλί μ’/γιάβρι μ’]
κι εγώ το νου μ’ εχάσα

Για έλα, έλα, πουλί μ’,
μετ’ εμέν έλα, γιάβρι μ’
Ατό τ’ εσόν το τέρεμαν, πουλί μ’/γιάβρι μ’
θα σύρ’ και παίρ’ [γιάβρι μ’, αρνί μ’] τ’ αχούλι μ’