Έκρυφτα το καρδόπο σ’

Έκρυφτα το καρδόπο σ’
σ’ εμά τα καρδοφώλια
Μετ’ εσέν επιδέβα
σ’ ουρανού τ’ ακροθόλια

Έκιτι, σεβνταλήδες,
η εγάπ’ αν εχάτον
η ζωή και ο κόσμον,
ρίζα μ’, θ’ επαρεχάτον

Έκρυφτα τα χ̌ειλόπα σ’
απέσ’ σα δεισοφώλια
Έκλεφτα έναν - έναν
τα φιλέματα σ’ όλια

Έκιτι, σεβνταλήδες,
η εγάπ’ αν εχάτον
η ζωή και ο κόσμον,
ρίζα μ’, θ’ επαρεχάτον

Έκρυφτα για τ’ εσένα
σο καλύβ’, σ’ ακροφώλι μ’
Τη εγάπ’ς τα σημάδι͜α
δαχτυλίδ’ και βραχ̌ι͜όλιν

Έκιτι, σεβνταλήδες,
η εγάπ’ αν εχάτον
η ζωή και ο κόσμον,
ρίζα μ’, θ’ επαρεχάτον