Τσ̌άνουμ, τσ̌άνουμ

Ο ήλεν παίρ’ και βασιλεύ’
[τσ̌άνουμ, γιαρ]
ση μάναν ατ’ μερέαν [λέω]
Τ’ εμόν τ’ αρνίν, τ’ εμόν τ’ αρνίν
[τσ̌άνουμ, γιαρ]
μυρίζ’ τρανταφυλλέαν [λέω]

Τσ̌άνουμ, τσ̌άνουμ, έι! κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπο σ’ [λέω]
για τ’ εμόν το χατιρόπον [λέω]

Τ’ άστρα με τ’ άστρα πολεμούν
[τσ̌άνουμ, γιαρ]
ο ήλεν με τον φέγγον [λέω]
Ο κόσμος με τον κόσμον ατ’
[τσ̌άνουμ, γιαρ]
κι εγώ με την Ελένκω [λέω]

Τσ̌άνουμ, τσ̌άνουμ, έι! κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπο σ’ [λέω]
για τ’ εμόν το χατιρόπον [λέω]

Μερακλία θα τραγωδώ
[τσ̌άνουμ, γιαρ]
τον ήλεν να ματώνω [λέω]
Να ευτά’ ατον και χαμελύν’
[τσ̌άνουμ, γιαρ]
λάχ̌’ καί͜ει με και γλυτώνω [λέω]

Τσ̌άνουμ, τσ̌άνουμ, έι! κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπο σ’ [λέω]
για τ’ εμόν το χατιρόπον [λέω]