Γουρπάν’ εγώ να ’ίνουμαι

Γουρπάν’ εγώ να ’ίνουμαι,
κόκκινο πιπερόπον
Χρυσόν εγώ να ’ίνουμαι
σ’ ωτί σ’ σκουλαρικόπον

Τα μαλλόπα σ’ χρυσόπλεχτα,
κοπανίζ’νε τ’ ωμία σ’
Τα μάγ’λα σ’ ολοκόκκινα¹,
γλυκύν έν’ η λαλία σ’

Σο τέρεμα σ’ ζαλίγουμαι,
σο γέλος ι-σ’ λύγουμαι
Κι αν θα φιλείς με δεύτερον
εγώ θα παλαλούμαι

Τ’ εμόν εσύ ’σαι η χαρά μ’,
εσύ είσαι τ’ αρνόπο μ’
Ευτάγω τόπον σην καρδι͜ά μ’
να ’μπαίντς εσύ, πουλόπο μ’