Εσύ έ͜εις το γιατρικόν

Ση καρδίας ι-μ’ τον πόνον
εσύ έ͜εις το γιατρικόν
Έλα κλώστ’ εσύ, πουλόπο μ’,
τη γερὰ μ’ για να λαρώντς

Πείσματα και τσ̌αλουμόπα,
εφαρμάκωσες την ψ̌η μ’
Χώρι͜α ασ’ εσέν ’κι αντέχω,
θα εβγαίν’ τ’ εμόν η ψ̌η

Αραεύ’ς άλλον καρδίαν,
την ψ̌η μ’ εσύ φαρμακώντς
Φέρον τ’ αχούλ’ σο κιφάλι σ’
κι άλλο ψ̌όπον μη κομπώντς

Άλλο πόνο εγώ ’κι αντέχω,
’τελέθεν η υπομονή μ’
Κανείται ντ’ εδέκες τέρτι͜α
εσύ σ’ αούτ’ τη ζωήν