28η Οκτωβρίου 1940

Αναχάπαρα τα μεσάνυχτα
ατός ο άτιμον ο Ιταλόν
Όταν έστειλεν κι εφεβέρτσε με
με τον πρέσβην ατ’ ο παλαλόν

Δος με ’γλήγορα ήντι͜αν θέλομε
και υπόγραψον πριν να παθάντς
Ας σα τόπι͜α σουν ντο θα παίρουμε
άμαν άκ’σον με προτού μαθάντς

«Νέπε σεύτελε» εγώ είπ’ ατον,
«δέβα χάθετεν και μη ζαντύντς»
Έν’ αδύνατον για να δίγομε
ντ’ εψαλάφεσεν ο Μουσολίντς

Εμέν λέγ’νε με αρχιστράτηγε,
αρχιστράτηγε κυρ Μεταξά
Κι ατείν’ λέγ’ν’ ατον ψευτο-Καίσαρα
πρέσβη νούντσον ατο έναν ξα