Ζωγραφισμένον

Ρίζα μ’, τα πόζι͜α τ’ ομμάτι͜α σ’,
ζινίχ̌ι͜α πλουμισμένα
Τα χ̌είλι͜α σ’ ολοκόκκινα
θαρρείς ζωγραφισμένα

Όντες τερώ σε σ̌ασ̌εύω,
άσπρον η φορεσία σ’
Τα παλληκάρι͜α γαντουρεύ’ς
με την πορπατεσία σ’

Με την εγάπ’ σ’ που πορπατεί,
με την τσ̌εχρέ σ’ ντο κείται
τα άστρα πα ζελεύ’ν’ ατον,
ντο έζησεν κανείται

Για ’σέν ντο σύρω βάσανα
μάχσους πως ’κι λυπάσαι;
’Κ’ επόρεσα να εγροικώ
τα νύχτας πώς κοιμάσαι