Τα νεότητα όντες είχα

[Και -ν-] Αναθεμά την καλατσ̌ή σ’
και το κεβεζελούκι σ’
κι όθεν πας ’κ’ επορείς να στέκ’ς
δεικνύ͜εις το ζεβζελούκι σ’

[Και] ’Κι θέλω το καγάνεμαν
’κι θέλω εγώ το θέρος
Εγώ αγαπώ την καλατσ̌ήν
και το γλυκύν το γέλος

[Και -ν-] Έλα έμπα σ’ εγκαλόπο μου
εντροπι͜αρία μ’ είσαι
Η μάνα σ’ αν μαθάν’ α̤το
για τ’ εμέν ’κι ταβίζ’ σε -ν

[Και] Τα νεότητα όντες είχα
λογαρίαν ’κ’ εδίν’να
Ήντι͜αν εθέλ’να εγάπανα,
ήντι͜αν εθέλ’να εποίν’να