Αχπαστόν ελαφρό

Ανάθεμα [γιάβρι μ’] άι! τα μακρά,
όθεν ’κι πάει λαλία [γιαρ]
[άμαν, γιάβρι μ’]
όθεν ’κι πάει λαλία[γιαρ]
Εσύ πα, ρίζα μ’, πώς θα χ̌αίρεσαι
μετ’ ατό την καρδίαν; [γιαρ]
[άμαν, γιάβρι μ’]
μετ’ ατό την καρδίαν; [γιαρ]

Εσύ το κομμενόχρονον [γιαβρί μ’]
άι! το καταραμένον [γιαρ]
[άμαν, γιάβρι μ’]
άι! το καταραμένον [γιαρ]
Κρύον νερόν [πουλί μ’] γιατί ’κχ̌ύντς
[άι!] σην καρδι͜ά μ’ το καμένον; [γιαρ]
[άμαν, γιάβρι μ’]
σην καρδι͜ά μ’ το καμένον; [γιαρ]

Μάνα, μάνα, χαΐναινα
μάνα, πολλά κακέσσα [γιαρ]
[άμαν, γιάβρι μ’]
μάνα, πολλά κακέσσα [γιαρ]
Η μαναχ̌ία αν [γιάβρι μ’] έν’ καλόν,
πέσκα συ μοναχέσσα [γιαρ]
[άμαν, γιάβρι μ’]
πέσκα συ μοναχέσσα [γιαρ]