Έλα έμορφο μ’

Το παράθυρο σ’ τερώ
για τα μάτι͜α σ’ τραγωδώ
Εματώθα εγώ, γιαβρί μ’,
για τ’ εσένα βγαίν’ η ψ̌η μ’

Η καρδία μ’ γεραλίν,
μόνο για τ’ εσέν πονεί
Έλα θέλω σε σουμά μ’,
έλα απάν’ σο σ̌ύριγμα μ’

Έλα, έλα, έμορφο μ’,
έλα, τριαντάφυλλο μ’
Παλαλούμαι λέγω σε -ν-,
έλα να λελεύω σε -ν!

Έλα, έλα, έμορφο μ’,
έλα, τριαντάφυλλο μ’
Μίαν κι άλλο λέγω σε -ν-
είσαι ο παράδεισο μ’

Το κορμί μ’ βρουλίεται,
γάλια-γάλια λύεται
Αν ’κ’ ελέπω σε θαρρώ
πως η ψ̌η μ’ έν’ ορφανόν

Η χαρά μ’ σα μάτι͜α σ’ έν’,
άφ’ς τη μάνα σ’ για τ’ εμέν
Έλα, είμαι μαναχός,
έλα δος τα μάτι͜α μ’ φως

Έλα, έλα, έμορφο μ’,
έλα, τριαντάφυλλο μ’
Παλαλούμαι λέγω σε -ν-,
έλα να λελεύω σε -ν!

Έλα, έλα, έμορφο μ’,
έλα, τριαντάφυλλο μ’
Μίαν κι άλλο λέγω σε -ν-
είσαι ο παράδεισο μ’

Το παράθυρο σ’ τερώ
για τα μάτι͜α σ’ τραγωδώ
Τ’ αχουλόπο μ’ για τ’ εσέν
τ’ όνομα μ’ ενέσπαλεν

Το καρδόπο μ’ δίγω σε -ν-
και την ψ̌η μ’ χαρίζω σε -ν
Έλα μόνο μετ’ εμέν,
έλα ποδεδίζω σε -ν

Έλα, έλα, έμορφο μ’,
έλα, τριαντάφυλλο μ’
Παλαλούμαι λέγω σε -ν-,
έλα να λελεύω σε -ν!

Έλα, έλα, έμορφο μ’,
έλα, τριαντάφυλλο μ’
Μίαν κι άλλο λέγω σε -ν-
είσαι ο παράδεισο μ’