Εγώ Σαντάς παιδίν είμαι

Εγώ Σαντάς παιδίν είμαι
και ας ση Ζουρνατσ̌άντων
Εκείνε τηνάν αγαπώ
έν’ ας ση Πισ̌τοφάντων

Οι Σαντέτ’, οι Σαντέτ’,
οι Σαντέτ’ οι φυσ̌εκλήδες,
τραγωδι͜άν’ και λυριτσ̌ήδες
Πριν τα γένι͜α τουν φυτρών’νε
όλ’ πα είναι σεβνταλήδες

Γιοσμάσσα λυγερόκορμος,
Αρμέντσα Παναΐα
Τ’ αδέλφι͜α τ’ς απ’ αδά κι απάν’
άμον άγρι͜α θερία

Οι Σαντέτ’, οι Σαντέτ’,
οι Σαντέτ’ οι φυσ̌εκλήδες,
τραγωδι͜άν’ και λυριτσ̌ήδες
Πριν τα γένι͜α τουν φυτρών’νε
όλ’ πα είναι σεβνταλήδες

Εγώ πα παλληκάρ’ είμαι,
κρούω και τογραεύω
Σαντέτες παλαλός είμαι,
θα παίρ’ ατεν και φεύω

Οι Σαντέτ’, οι Σαντέτ’,
οι Σαντέτ’ οι φυσ̌εκλήδες,
τραγωδι͜άν’ και λυριτσ̌ήδες
Πριν τα γένι͜α τουν φυτρών’νε
όλ’ πα είναι σεβνταλήδες

Οι Σαντέτ’, οι Σαντέτ’,
οι Σαντέτ’ οι φυσ̌εκλήδες,
τραγωδι͜άν’ και λυριτσ̌ήδες
Πριν τα γένι͜α τουν φυτρών’νε
όλ’ πα είναι σεβνταλήδες