Τερώ, πουλόπο μ’, τ’ ομμάτι͜α σ’

Όντες ’τραγώδ’να κι έπινα,
είδα σε σο χορόν -ι
Και το τσ̌αλίμι σ’ τ’ έμορφον,
εμέν θα παλαλώνει

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Μάνα εσέν ’κ’ εποίκε σε,
Θεού είσαι δουλεία
Αγγελικόν ο πρόσωπο σ’,
ομοι͜άζ’ με ζωγραφίαν

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Ισ̌μάρ’ θέλω να στείλω σε
να έρθεσαι σο γιάνι μ’
Τ’ εμόν θέλω να ’ίνεσαι
ση γερὰ μ’ το βοτάνι μ’

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Τερώ, πουλόπο μ’, τ’ ομμάτι͜α σ’!