Σεβντι͜αλίσσα

Η καρδία μ’ φτιλακίζ’
εσέναν όντες νουνίζ’
Έλα δος με την σεβτά
να λαρούται η γερὰ

♫

Η καρδία μ’ φτιλακίζ’
εσέναν όντες νουνίζ’
Έλα δος με την σεβτά
να λαρούται η γερὰ

Ας σα χ̌ειλόπα σ’ το μέλ’,
’σάν εκείνονα που παίρ’
Έλα ας πάμε σα κρυφά
να μη παίρ’ν’ ατο χαπέρ’

Σ’ ομματόπα σ’ τ’ έμορφα
τσ̌αρτιλίζ’ η θάλασσα
Εσύ είσαι το γιαβρί μ’,
τ’ εμόν η σεβντι͜αλίσσα

Ας σα χ̌ειλόπα σ’ το μέλ’,
’σάν εκείνονα που παίρ’
Έλα ας πάμε σα κρυφά
να μη παίρ’ν’ ατο χαπέρ’

Η εγάπη σ’ κι η εγάπη μ’
θάμαν έτονε, γιαβρί μ’
Την εμορφάδα σ’ θωρώ,
για τ’ εσέναν τραγωδώ

Ας σα χ̌ειλόπα σ’ το μέλ’,
’σάν εκείνονα που παίρ’
Έλα ας πάμε σα κρυφά
να μη παίρ’ν’ ατο χαπέρ’

Έλα ας πάμε σα κρυφά
να μη παίρ’ν’ ατο χαπέρ’