Ντό τερείς με, Γερμανέ;

Ντό τερείς με, Γερμανέ;
Ντό τερείς με, Σουηδέ;
Ντό τερείς με και γελάς;
Ας σον πόνο μ’ ’κ’ εγροικάς

Η καρδία σ’ εύκαιρον,
’κ’ έχ̌’ απέσ’ φιλότιμον

Καναδέ και Αυστραλέ,
ντό γιανοτερείτε με;
Με τ’ εμόν τον ερχομόν
σ’ εμέν έντον το κακόν

Χώρι͜α ζω ας μωρά μ’,
αρ’ εχάσα τη χαρά μ’

«Καλημέρα» λέγω σας,
εθαρρείτε βρίζω σας
Άγρια τερείτε με,
κι άλλα πόνι͜α δί’τε με

Ενεγκάστα μετ’ εσάς,
αναθεματίζω σας!