Παράνομα εγάπανες

Ποία θρησκείαν θα σ’χωρά
τ’ εμέτερον το κρίμαν;
Παράνομον σεβντάν τρανόν
εσέγκες σην καρδία μ’ [γιαρ]

Τ’ εγκαλόπο σ’ έτον ζεστόν,
το φίλεμα σ’ μελένεν
και το κορμί σ’ το τρυφερόν
την καρδία μ’ επαίρ’νεν [γιαρ]

Παράνομα εγάπανες,
εδίν’νες την εγκάλα̤ σ’
Εράευες το γιατρικόν
για να λαρώντς την καρδά̤ σ’ [γιαρ]

Εκεί όθεν ’κι ξέρ’νε μας
ας φεύουμε, πουλόπο μ’
Εσύ άντραν κι εγώ γαρήν,
ζούμε σο ξένον τόπον [γιαρ]