Έλα κάθκα σα γόνατα μ’

Έλα κάθκα σα γόνατα μ’,
έλα κάθκα σο γιάνι μ’
Έλα κάθκα κι ας λέγω σε
ντ’ εδέβαν σο κιφάλι μ’

Εγώ αγαπώ σε κι έρχουμαι,
εσύ παραμερί͜εις με
Ντόσιλεγον καρδόπον έ͜εις;
σίτα̤ γελώ κλαινί͜εις με

Αποθάνω ψεματικά,
χα! τερώ, πολλά κλαις με;
Τα μυστικά ντο είπα σε,
χα! τερώ, όλι͜α λες με;

Απόψ’ η νύχτα εδίπλασεν
ο φέγγο επιάστε
Ατό τη τσούνας το κουτάβ’
έξ’ επαρα̤βραδά̤στε