Έλα, έλα καμίαν

Τα χωράφα̤ μ’ κοκκία,
φύλλα σάπι͜α σαρία
Άλλ’ τερούν ζηλεύ’νε με,
συ τερείς κρύα - κρύα

Έλα, έλα καμίαν,
έλα ας φιλώ σε μίαν
Κορτσόπον, μίαν-μίαν
δίγομ’ τ’ ορμάν’ φωτία

Άμον άγρεσσα κάτα
ελέπ’ς με, δί’ς α’ στράτα
Τα μάγ’λα σ’ τα κόκκινα
να είχα (και) να εδάκα

Έλα, έλα καμίαν,
έλα ας φιλώ σε μίαν
Κορτσόπον, μίαν-μίαν
δίγομ’ τ’ ορμάν’ φωτία

Έι! μικρόν, μικροπούλι μ’,
ντό φογάσαι͜ ατσ̌άπς, πουλί μ’;
Το φίλεμαν ’δέν ’κ’ έν’ χος̌,
σπογγί͜εις α’ χάται, πουλί μ’

Έλα, έλα καμίαν,
έλα ας φιλώ σε μίαν
Κορτσόπον, μίαν-μίαν
δίγομ’ τ’ ορμάν’ φωτία

Έμορφεσσα μ’, Λεμόνα,
χώρα κρούει τα κωδώνι͜α
Ντά στέκ’ς άμον κορώνα;
παίρω σε απέσ’ σ’ αλώνι͜α

Έλα, έλα καμίαν,
έλα ας φιλώ σε μίαν
Κορτσόπον, μίαν-μίαν
δίγομ’ τ’ ορμάν’ φωτία