Κορτσόπον εικοσάχρονον

Κορτσόπον εικοσάχρονον,
με τ’ έμορφα τα κάλλια σ’
νασάν εκείν’ το παλληκάρ’
που κείται σην εγκάλια σ’

Κορτσόπον εικοσάχρονον,
ήλες ’κι κρούει απάν’ ι-σ’
Νασάν εκείν’ το παλληκάρ’
που πορπατεί σο γιάνι σ’

Κορτσόπον εικοσάχρονον,
άσπρον άμον το χ̌ι͜όνιν
Νασάν που θα φουρκίεται
σο φίλεμαν τ’ εσόν -ι

Κορτσόπον εικοσάχρονον,
άμον κρύον νερόν -ι
Ν’ αϊλί εκείν’ το παλληκάρ’
που κείται μαναχόν -ι