Τσ̌άνουμ, τσ̌άνουμ

Εκλάδεψα, ’πελέκεσα
[τσ̌άνουμ, γιαρ]
και -ν- έχτιζα κρενόπον [λέω]
να έρ’ται να δροσίσ̌κεται
[τσ̌άνουμ, γιαρ]
τ’ εμόν το τρυγονόπον

Τσ̌άνουμ, τσ̌άνουμ, έι! κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπον [λέω]
για τ’ εμόν το χατιρόπον [λέω]

Ρίζα μ’, κρύον νερόν είσαι
[τσ̌άνουμ, γιαρ]
νασάν που βάλλ’ και πίν’ -τ- σε [λέω]
Νασάν που κείται μετ’ εσέν
[τσ̌άνουμ, γιαρ]
ους να μερών’ ’κι αφήν’ -τ- σε [λέω]

Τσ̌άνουμ, τσ̌άνουμ, έι! κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπον [λέω]
για τ’ εμόν το χατιρόπον [λέω]

Η ψ̌η μ’ απάν’ ι-μ’ ’κ’ εχωρεί,
[τσ̌άνουμ, γιαρ]
σ’ έναν τόπον ’κι στέκω [λέω]
Και για τ’ εσέν, τσούνας κουτάβ’,
[τσ̌άνουμ, γιαρ]
την ψ̌η μ’ ρεΐν’ θα θέκω [λέω]

Τσ̌άνουμ, τσ̌άνουμ, έι! κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπον [λέω]
για τ’ εμόν το χατιρόπον [λέω]