Έλα απάν’ σο κιντίν

Πουλόπο μ’, για τη σεβντά σ’
έρχουμαι ση μαχαλά σ’
Και μ’ ευτάς πως ’κ’ εγροικάς,
έπαρ’ με και σην οντά σ’

Έλα απάν’ σο κιντίν,
να λελεύω σε, πουλί μ’!
Έλα και μ’ εντρέπεσαι,
ήντι͜αν θέλ’ ας λένε σε

Νέτσ̌η, έβγα σο παραθύρι σ’
και μη λες «ελέπ’ με ο κύρη μ’»
Έβγα και μ’ εντρέπεσαι
οι τουσ̌μάν’ ’κ’ ελέπ’νε σε

Έλα απάν’ σο κιντίν,
να λελεύω σε, πουλί μ’!
Έλα και μ’ εντρέπεσαι,
ήντι͜αν θέλ’ ας λένε σε

Απέσ’ σο αυλόπο σου
πάνε κι έρ’ταν πουλόπα
Πάνε κι έρ’ταν λένε σε
εγώ, ψ̌η μ’, ντο θέλω σε

Έλα απάν’ σο κιντίν,
να λελεύω σε, πουλί μ’!
Έλα και μ’ εντρέπεσαι,
ήντι͜αν θέλ’ ας λένε σε

Η σεβντάν έχ̌’ τρανόν ζόρ’,
σύρ’ ατο το μοθοπώρ’
Πριν πιάν’ ο χ̌ειμωγκόν,
κόρ’, θα ’ίνεσαι τ’ εμόν

Έλα απάν’ σο κιντίν,
να λελεύω σε, πουλί μ’!
Έλα και μ’ εντρέπεσαι,
ήντι͜αν θέλ’ ας λένε σε