Έρθες, έφυες, επήες

Έρθες, έφυες κι επήες
και επόνεσα
Να ερωτώ σε το γιατί
πουλί μ’, ’κ’ επρόφτασα

Τώρα κάθουμαι νουνίζω,
απέσ’ σ’ άψιμον βρουλίζω
Εθαρρώ ’κι ταγιανίζω,
ψ̌η μ’, χωρίς εσέν

’Κ’ έστειλες με έναν χαπέρ’
να λες με ντό ευτάς
Σ’ όποια λημέρι͜α, ψ̌ήκα μ’,
λάσ̌κεσαι και πας

Τώρα κάθουμαι νουνίζω,
απέσ’ σ’ άψιμον βρουλίζω
Εθαρρώ ’κι ταγιανίζω,
ψ̌η μ’, χωρίς εσέν

Έπαρ’ το μαχ̌αίρ’, πουλόπο μ’,
κι έλα σκότα με
Εθαρρώ κι άλλο καλλίον
θα έν’ για τ’ εμέν

Τώρα κάθουμαι νουνίζω,
απέσ’ σ’ άψιμον βρουλίζω
Εθαρρώ ’κι ταγιανίζω,
ψ̌η μ’, χωρίς εσέν