Σεράντα μήλα

Σεράντα μήλα κόκκινα [πουλί μ’/γιαβρί μ’]
σ’ ένα μαντίλ’ δεμένα
Σεράντα σέβντας κι αν ευτάς [πουλί μ’/γιαβρί μ’]
’κ’ ευρήκ’ς άμον έμενα

Για έλα, έλα, πουλί μ’,
μετ’ εμέν έλα, γιαβρί μ’
Ατό τ’ ομματοτέρεμα σ’, πουλί μ’
θα σύρ’ και παίρ’ [πουλί μ’, αρνί μ’] τ’ αχούλι μ’

Όλα τα τριαντάφυλλα [γιαβρί μ’/πουλί μ’]
απέσ’ σην καρδι͜ά σ’ κείνταν
Νασάν πη θα μυρίχκεται [γιαβρί μ’/πουλί μ’]
τα χρόνι͜α τ’ ’κι τελείνταν

Για έλα, έλα, πουλί μ’,
μετ’ εμέν έλα, γιαβρί μ’
Ατό τ’ ομματοτέρεμα σ’, πουλί μ’
θα σύρ’ και παίρ’ τ’ αχούλι μ’

Σεράντα μήλα κόκκινα [πουλί μ’/γιαβρί μ’]
δεμένα σα μαντίλα̤
Κανέναν ’κ’ έτον κόκκινον [πουλί μ’/ρίζα μ’]
άμον τ’ εσά τα χ̌είλα̤

Για έλα, έλα, πουλί μ’,
μετ’ εμέν έλα, γιαβρί μ’
Ατό τ’ ομματοτέρεμα σ’, πουλί μ’
θα σύρ’ και παίρ’ [πουλί μ’, αρνί μ’] τ’ αχούλι μ’