Αϊλί εμέν, ασ’χώρετον

Ση παρχάρ’ τα τσ̌ιμενόπα
να έμ’νε έναν δεντρόπον
[και -ν-] Όντες, αρνί μ’, εδίψανα
[Μικρόν αρνί μ’, μικρόν αρνί μ’]
εφέρ’νες με νερόπον
[και -ν-] Όντες, αρνί μ’, εδίψανα
[Ν’ αϊλί εμέν! Ν’ αϊλί εμέν!]
εφέρ’νες με νερόπον

Ξερόν κλαδίν ντο ’κι σουμών’
πουλίν να χτίζ’ φωλέαν
Ομοι͜άζ’ τ’ εμόν το καρδόπον
[Ν’ αϊλί εμέν! Ν’ αϊλί εμέν!]
χωρίς εσέν στερέα μ’
Ομοι͜άζ’ τ’ εμόν το καρδόπον
[Ν’ αϊλί εμέν! Ασ’χώρετον]
χωρίς εσέν, στερέα μ’

Κάθαν δεντρόπον σον παρχάρ’
πουλίν έν’ καθισμένον
Ατά πα όλια εξέρ’ν’ ατο
[Μικρόν αρνί μ’, μικρόν αρνί μ’]
η καρδι͜ά μ’ έν’ καμένον
Ατά πα όλια εξέρ’ν’ ατο
[Ν’ αϊλί εμέν! Ν’ αϊλί εμέν!]
η καρδι͜ά μ’ έν’ καμένον