Ατέν εγώ θα παίρω

Ας λέγω σας, νε παιδία
και -ν- έναν μετιάν-ι
Έναν κορίτσ’ ντο υπόφερεν
ατό ας ση σεβντάν-ι

Τρία χρόνια η άχαρος
έτον σουμαδεμέντσα
Ας ση χώρας τα στόματα
πολλά πουγαλεμέντσα

Τη κόσμονος οι μαϊσσάδες
και -ν- όλ’ σ’ ατέν απάν’-ι
Όλ’ πολεμούν σο χάλαμαν
να κλώθ’νε τον παιδάν-ι

Ο παιδάς ’κι καντουρεύκεται
το τέλος λέει θα παίρω
Τρία χρόνια σεβντάν έχω,
ατέν πώς να μη παίρω;
Ατέν εγώ θα παίρω!