Το σύστημα έν’ ένοχον

Έρθανε χρόνι͜α δύσκολα,
την κρίση μουν νουνίζω
ντ’ εποίκα λάθος ση ζωή μ’
κι ατώρα ξαν πασ̌κίζω

Κι απάν’ σ’ ατό όπως έστρωσα,
σ̌κεπάουμαι, απλούμαι
Μα το γεργάνι μ’ έν’ κοντόν
και κούκουβα κοιμούμαι

Το σύστημα έν’ ένοχον,
με ούλτς εμάς συνένοχον
Το σύστημα έν’ ένοχον
[Το σύστημα έν’ ένοχον]
Το σύστημα έν’ άμον τ’ οψάρ’
εσ̌κύλαξεν ας σο κιφάλ’
Τ’ οψάρ’ σ̌κυλάζ’ ας σο κιφάλ’

Το θέρος και ο χ̌ειμωγκόν
έρχουνταν κάθα έτος
Πολιτικάντ’ και κόμματα,
ψεύτες¹ οπέρτς κι οφέτος

Τερώ οπίσ’ κι εντρέπουμαι,
έμπρι͜α μ’ τερώ, σ̌ασ̌εύω
’Παλάλωσα κι εζάντυνα,
κανέναν ’κι πιστεύω

Το σύστημα έν’ ένοχον,
με ούλτς εμάς συνένοχον
Το σύστημα έν’ ένοχον
[Το σύστημα έν’ ένοχον]
Το σύστημα έν’ άμον τ’ οψάρ’
εσ̌κύλαξεν ας σο κιφάλ’
Τ’ οψάρ’ σ̌κυλάζ’ ας σο κιφάλ’

Το σύστημα έν’ ένοχον,
με ούλτς εμάς συνένοχον
Το σύστημα έν’ ένοχον
[Το σύστημα έν’ ένοχον]
Το σύστημα έν’ άμον τ’ οψάρ’
εσ̌κύλαξεν ας σο κιφάλ’
Τ’ οψάρ’ σ̌κυλάζ’ ας σο κιφάλ’