Τ’ ανθρώπινα συμφέροντα

Άκ’σον όλα τα κόμματα
ντο λέγ’νε το καθέναν
Σο θρόνον όνταν κάθουνταν
εβγών’ μεϊτάν’ το ψέμαν

Τ’ ανθρώπινα συμφέροντα
απάν’ ασ’ όλια είναι
Ατείν’ πη/που έχ’νε το μαχ̌αίρ’
κόφ’νε, τρώνε και πίν’νε

Για τ’ ατό μη γελάσ̌κεσαι
ούσνα/ώσνα θα καλατσ̌εύ’νε
Ξύσον, καθάρτσον το ωτί σ’,
την ψήφο σ’ αραεύ’νε
Καλά καθάρτσον το ωτί σ’,
την ψήφο σ’ αραεύ’νε

Και ούλ’ λέν’ έχ’νε δίκαιον,
το δίκαιον πα μέρ’ έν’;
Έντον πανόν και σύνθημαν
σα χ̌έρι͜α όλων, τέρεν!