Κανείται, Θεέ μ’

Κανείται, Θεέ μ’, άλλο μη βρέ͜εις
θα λύγουν τα λιθάρι͜α
[Άι! ν’ αϊλί τη μάναν π’ έχ̌’ με]
Τ’ εμά τα δάκρυ͜α και τ’ εγάπ’ς
κανείνταν τα χορτάρι͜α
[Άι! ν’ αϊλί τη μάναν π’ έχ̌’ με]

Έπαρ’ το καλαθόπο σου
κι ας πάμε σα θομάντας
[Ν’ αϊλί τη μάναν π’ έχ̌’ με]
Να κάθουμες και λέγομε
καρδίας καμονάντας
[Ν’ αϊλί τη μάναν π’ έχ̌’ με]

Έπαρ’ το καλαθόπο σου
κι ας πάμε σα διφόρι͜α
[Αχ! Ν’ αϊλί τη μάναν π’ έχ̌’ με]
Όλοι οι άλλ’ αν πάν’ μαζί,
εμείς ας πάμε χώρι͜α
[Ν’ αϊλί τη μάναν π’ έχ̌’ με]