Αγρέλαφον

Η θάλασσα να κόφκεται
[Αγρέλαφον, αγρέλαφον]
να ’ίνεται τσ̌αΐρα̤
[Για πέει με γιατί, αγρέλαφον;]
Να κατηβαίν’ν τ’ αγρέλαφα
[Αγρέλαφον, αγρέλαφον]
να βόσκουν σα τσ̌αΐρα̤
[Για πέει με γιατί, αγρέλαφον;]

Τ’ αγρέλαφα όλα̤ βόσκουνταν
[Αγρέλαφον, αγρέλαφον]
και όλα̤ μαρουκούνταν
[Για πέει με γιατί, αγρέλαφον;]
Κι έναν μικρόν αγρέλαφον,
[Αγρέλαφον, αγρέλαφον]
μικρόν αγρελαφόπον
[Για πέει με γιατί, αγρέλαφον;]
Ούτε θέλει να βόσ̌κεται,
[Αγρέλαφον, αγρέλαφον]
ούτε να μαρουκάται
[Για πέει με γιατί, αγρέλαφον;]

-Ντό έπαθες, αγρέλαφον,
[Αγρέλαφον, αγρέλαφον]
μικρόν αγρελαφόπον
[Για πέει με γιατί, αγρέλαφον;]
κι ούτε θέλεις να βόσ̌κεσαι
[Αγρέλαφον, αγρέλαφον]
κι ούτε να μαρουκάσαι;
[Για πέει με γιατί, αγρέλαφον;]

Εντώκαν το πουλόπο μου
[Αγρέλαφον, αγρέλαφον]
ση Σέρας το ποτάμι
[Για πέει με γιατί, αγρέλαφον;]
Εκείνο κι άλλα τέσσερα
[Αγρέλαφον, αγρέλαφον]
είνας αβτζ̌ής εντώκεν
[Για πέει με γιατί, αγρέλαφον]
Κι ατώρα ψέσκουν ακεί πέρ’
[Αγρέλαφον, αγρέλαφον]
σ’ έναν αργυροχάλκιν
[Για πέει με γιατί, αγρέλαφον]