Μπάρμπα-Μήτο

Πάρπα-Μήτο, Πάρπα-Μήτο
το κορτσόπο σ’ μη μαλώντς
Άφ’ς α’ ας ανοί͜ει τα φτερόπα τ’
και πετά και μη θυμώντς

Πάρπα-Μήτο, Πάρπα-Μήτο
ανάσπαλον τα παλαιά
Τα κορτσόπα ατώρα θέλ’νε
ν’ αγκαλι͜άσκουν φανερά

Όχι Πάρπα-Μήτο, όχι
την κουτσ̌ή σ’ μη τυραννί͜εις
Άφ’ς ας χ̌αίρεται η ψ̌η ατ’ς
το καρδόπον ατ’ς θα χτίζ’

Το κορτσόπο σ’ θέλ’ φιλίας,
λαλαχ̌ίας και σεβντάν
Φιλέματα και αγκάλι͜ας,
ούλ’ οι νέοι αέτσ’ ευτάν’!

Έκιτι, κόσμε πόσον έλλαξες!