ΠΑΟΚ

ΠΑΟΚ, ΠΑΟΚάρα
όλεν η Ελλάδα
Χαίρουνταν και λένε ούλ’ για τ’ εσέν
Εσέν αγαπούνε
και χειροκροτούνε
Σην καρδίαν ατουν έχ’νε σε

Ο Ιωσηφίδης
και ο Τερζανίδης
κι ο Στέφας σην πόρταν τη μαγαζί’
κατηβάζ’ τα στόρι͜α
και γλυτών’ τα γκόλι͜α
κι ο κόσμος όλεν χειροκροτεί

Ο Αποστολίδης
κι ο σίφωνας Παρίδης,
ο Ασλάντς κι ο Παπαδόπουλον
άμον τα ελάφι͜α
ντο τρέχ’νε σα χωράφι͜α
οργών’νε όλεν το γήπεδον

Ο Κούδας ζωγράφος,
ο Φουντουκίδης βράχος
κι ο Σαράφης βαρύν πυροβολικόν
που τσερίζ’ τα δίχτυ͜α
και κλειδών’ οσπίτι͜α
και τον κόσμον σα κερκίδας σ’κών’

Ο Λάζον κι ο Μπέλλης,
ο Γούναρης λεβέντης
όνομαν εφέκαν σα γήπεδα
Τρανόν λεβεντίαν,
μαυραετού παιδία
κρασίν πίν’νε ας σα κύπελλα

Χαίρεται ο Άγγλον,
τ’ όνομαν ατ’ Σάνον
ατός έν’ τρανός προπονητής
Έρθεν σην Ελλάδαν,
εδίδαξεν την μπάλαν
τίμια -ν- εβγών’ πρωταθλητής