Τσιγάρον σίτι͜α ετύλιζα

Τσιγάρον σίτι͜α ’τύλιζα
το χαρτί μ’ ετσερίεν
Με τη σεβντι͜άν σίτ’ έπαιζα
το σπαρέλ’ν ατ’ς ελύεν

Πας̌ κ’ είσαι πολλά έμορφος
γιά πολλά τσ̌αλιμλίσσα;
Το στούδι σ’ αγαπίεται
μικρέσσα μ’ χατιρλίσσα μ’

Κόψον τα πέντε δάχτυλα μ’
και με το μαχ̌αιρόπο σ’
Βάλον και φύλαξον ατα
αφκά σο σπαρελόπο σ’

Έλα να ποδεδίζω σε,
ασπριδερόν κεράσι
’Κι ξέρω ακόμαν τρώγω σε,
’κι ξέρω κοκκινι͜άεις -ι;