Ντό θέλτς, πουλί μ’, ντό θέλτς, αρνί μ’;

Το κορτσόπον ντο αγαπώ
έμπρι͜α μ’ εκοντοστάθεν
Όλι͜α τ’ εκέσ’ εφώταξαν
τα πέραν και τα κάθεν

Ντό θέλτς, αρνί μ’/πουλί μ’, ντό θέλτς, πουλί μ’/αρνί μ’,
και ντό σύρ’ η καρδία σ’;
Εύρηκον τόπον κι έρχουμαι
και σβήνω τη φωτία σ’

Τσ̌ιτσ̌έκ’ τ’ εμόν αμύριγον
και άστρον φωταγμένον,
’κι θέλω να ελέπω σε
τερτλίν και πονεμένον

Ντό θέλτς, αρνί μ’/πουλί μ’, ντό θέλτς, πουλί μ’/αρνί μ’,
και ντό σύρ’ η καρδία σ’;
Εύρηκον τόπον κι έρχουμαι
και σβήνω τη φωτία σ’

Ντό θέλτς γιατί ’κι ψαλαφάς,
η εντροπή ’κι αφήν’ -τ- σε;
Ποίος ’κι θέλ’ άμον νερόν
σ’ έναν ποτήρ’ να πίν’ -τ- σε;

Ντό θέλτς, αρνί μ’/πουλί μ’, ντό θέλτς, πουλί μ’/αρνί μ’,
και ντό σύρ’ η καρδία σ’;
Εύρηκον τόπον κι έρχουμαι
και σβήνω τη φωτία σ’

Ποίος ’κι θέλ’ σα χ̌ερόπα τ’
να παίρ’ και να κρατεί σε,
γεμίς̌ μήλον και κόκκινον,
να δάκ’ και να φιλεί σε;

Ντό θέλτς, αρνί μ’/πουλί μ’, ντό θέλτς, πουλί μ’/αρνί μ’,
και ντό σύρ’ η καρδία σ’;
Εύρηκον τόπον κι έρχουμαι
και σβήνω τη φωτία σ’