Κρούει η καρδία μ’

Τέρεν σ’ ομμάτι͜α μ’ την εγάπ’
και δος με την καρδία σ’
Τσ̌ιτσ̌έκι μ’ ας σο άνθισμα σ’
ας παίρω ευωδίας

Κρούει η καρδι͜ά μ’, κρούει 
άμον καμπάνας χτύπον
Ντό άψιμον εσέγκες με,
εσύ σεβντάς μικρίκον;

Πού κέσ’ να πάω κρύφκουμαι;
Τίναν να πάω λέω
την σεβντάν ντ’ έχω για τ’ εσέν;
και το καρδόπο μ’ καίω

Κρούει η καρδι͜ά μ’, κρούει 
άμον καμπάνας χτύπον
Ντό άψιμον εσέγκες με,
εσύ σεβντάς μικρίκον;

Πουλί μ’, ευτάω το σταυρό μ’
Πολλά παρακαλώ σε
το τέρτι μ’ λογαρίασον
ντο θέλω κι αγαπώ σε

Κρούει η καρδι͜ά μ’, κρούει 
άμον καμπάνας χτύπον
Ντό άψιμον εσέγκες με,
εσύ σεβντάς μικρίκον;