Σεβνταλίν κορίτσ’ είσαι

Σεβνταλίν κορίτσ’ είσαι
όι! να τρώγω τη χαρά σ’
Κάθκα, πουλί μ’, μετ’ εμέν
και σα γονικά σ’ μη πας

Γουρπάν’ σο πόι σ’, νε πουλί μ’,
τ’ έμορφα τα δεσίδι͜α
Το μέλ’ ντο έχ̌’ το φίλεμα σ’
’κ’ έχ’ν’ ατο μελεσσίδι͜α

Η καρδία μ’ έχ̌’ εγάπ’
χούλεμαν δίει σεβντάς
Και σον ουρανόν πετώ
εμέν, πουλί μ’, π’ αγαπάς

Γουρπάν’ σο πόι σ’, νε πουλί μ’,
τ’ έμορφα τα δεσίδι͜α
Το μέλ’ ντο έχ̌’ το φίλεμα σ’
’κ’ έχ’ν’ ατο μελεσσίδι͜α

Το χαμόγελο τ’ εσόν
για τ’ εμέναν έν’ ζωή
Και το φίλεμα σ’, αρνί μ’,
με εγάπ’ γομών’ την ψ̌η μ’

Γουρπάν’ σο πόι σ’, νε πουλί μ’,
τ’ έμορφα τα δεσίδι͜α
Το μέλ’ ντο έχ̌’ το φίλεμα σ’
’κ’ έχ’ν’ ατο μελεσσίδι͜α