Χ̌ίλι͜α φοράς λες «αγαπώ»

Το «σ’ αγαπώ» να γράφτς ατο
έξ’ γράμματα κανείνταν
Τογρία να μαθάντς ατο,
τα χρόνι͜α σ’ ’κι κανείνταν

Χ̌ίλι͜α φοράς λες «αγαπώ»,
η καρδι͜ά σ’ λέει α’ μίαν
Αν ’κι θα παίρτς ατο χαπάρ’
’κι θ’ αγαπάς καμίαν

Ατσ̌άπ’ σ’ αούτο τη ζωήν
εγάπην θα γνωρίζω;
Γιάμ’ θ’ απομένω αμανάτ’
σα στράτας να γυρίζω;

Χ̌ίλι͜α φοράς λες «αγαπώ»,
η καρδι͜ά σ’ λέει α’ μίαν
Αν ’κι θα παίρτς ατο χαπάρ’
’κι θ’ αγαπάς καμίαν

Χ̌ίλι͜α φοράς λες «αγαπώ»,
η καρδι͜ά σ’ λέει α’ μίαν
Αν ’κι θα παίρτς ατο χαπάρ’
’κι θ’ αγαπάς καμίαν