Αρνί μ’, έπαρ’ έναν μαχ̌αίρ’

Αρνί μ’, έπαρ’ έναν μαχ̌αίρ’
[έναν μαχ̌αίρ’/μικρόν πουλί μ’]
βαρύν κι ακονεμένον
[πουλί μ’/γιαβρί μ’]
Για ντως ατο σο καρδόπο μ’
[μικρόν πουλί μ’/μικρόν γιαβρί μ’]
σο παραπονεμένον
[πουλί μ’/γιαβρί μ’]

Χ̌ίλι͜α μαχ̌αίρι͜α δίστομα
[μικρόν πουλί μ’/μικρόν γιαβρί μ’]
ση γην είν’ καρφωμένα
[πουλί μ’/γιαβρί μ’]
Πατώ και τσ̌ουγναεύ’ ατα
[μικρόν πουλί μ’/μικρόν γιαβρί μ’]
κι έρχουμαι μετ’ εσένα
[πουλί μ’/γιαβρί μ’]

Η καρδι͜ά σ’ κοφτερόν μαχ̌αίρ’
[μικρόν πουλί μ’]
και σίδερον ξαμμένον
[πουλί μ’/γιαβρί μ’]
Ν’ αϊλί εκείνον την καρδι͜άν
[μικρόν πουλί μ’/μικρόν αρνί μ’]
όθεν έν’ καρφωμένον
[πουλί μ’/γιαβρί μ’]