Σεβταλίν, τσ̌ιτσ̌εκλίν

Αροθυμία σ’ θα τρώει με
[Γιαρ, γιαρ, αμάν! Όι, όι, αμάν!]
[ωχ!/και -ν-] εγάπη σ’ θα τελέν’ με
[Σεβνταλί μ’, τσ̌ιτσ̌εκλί μ’
ασλανούμ, μικρόν πουλίν]
Ένα γραμμόπον στείλον με
[Γιαρ, γιαρ, αμάν! Όι, όι, αμάν!]
[ωχ!/και] τιδέν ας έρ’ται λέει με
[Σεβνταλί μ’, τσ̌ιτσ̌εκλί μ’
ασλανούμ, μικρόν πουλίν]

Δύο ποτήρι͜α σο τραπέζ’
[Γιαρ, γιαρ, αμάν! Όι, όι, αμάν!]
[ωχ!/και -ν-] εγόμωσα και πίνω
[Σεβνταλί μ’, τσ̌ιτσ̌εκλί μ’
ασλανούμ, μικρόν πουλίν]
Τ’ έναν εσέγκα για τ’ εσέν
[Γιαρ, γιαρ, αμάν! Όι, όι, αμάν!]
[ωχ!/και] τα δά̤κρυ͜α απέσ’ ’κχ̌ύνω
[Σεβνταλί μ’, τσ̌ιτσ̌εκλί μ’
ασλανούμ, μικρόν πουλίν]

Ανάσα είσαι ση ζωή μ’
[Γιαρ, γιαρ, αμάν! Όι, όι, αμάν!]
[αχ!/και] το φώς ι-μ’ ντο ελέπω
[Σεβνταλί μ’, τσ̌ιτσ̌εκλί μ’
ασλανούμ, μικρόν πουλίν]
Με τ’ Ασλανίδη το τοξάρ’
[Γιαρ, γιαρ, αμάν! Όι, όι, αμάν!]
[αχ!/και] τα παράπονα μ’ λέγω
[Σεβνταλί μ’, τσ̌ιτσ̌εκλί μ’
ασλανούμ, μικρόν πουλίν]