Δέκα δέματα ούλι͜α - ούλι͜α

Έρθαν οι εμπόρ’ να παίρ’νε
τσ̌άπαν τον καπνόν
Ν’ αηλί ατόν π’ ετσακέλλτσεν
καπνοχώραφον

Δέκα δέματα ούλι͜α - ούλι͜α
τα ημ’σά θα καίν’
Τ’ αλλά πατιχαβάν παίρ’νε
’μάς ντό θ’ απομέν’;

Ν’ αηλί π’ έφαεν τον ήλεν
απέσ’ σο χωράφ’
Ν’ αηλί τσάκωμαν ντ’ εποίκεν
κι έβαλεν σ’ αρμάθ’

Δέκα δέματα ούλι͜α - ούλι͜α
τα ημ’σά θα καίν’
Τ’ αλλά πατιχαβάν παίρ’νε
’μάς ντό θ’ απομέν’;

Ν’ αηλί π’ εποίκεν χαβέγκια
κι εποίκεν παστάλ’
Δέματα ήντζαν ’κ’ εποίκεν
ατός ’κ’ έχ̌’ χαπάρ’

Δέκα δέματα ούλι͜α - ούλι͜α
τα ημ’σά θα καίν’
Τ’ αλλά πατιχαβάν παίρ’νε
’μάς ντό θ’ απομέν’;

Οι εμπόρ’ έρθαν ζυάζ’νε,
ουζέ πατιχαβάν
Πώς να ψωνίζ’ ο χωρέτες
ποστάλι͜α και φιστάν’;

Δέκα δέματα ούλι͜α - ούλι͜α
τα ημ’σά θα καίν’
Τ’ αλλά πατιχαβάν παίρ’νε
’μάς ντό θ’ απομέν’;