Απ’ ουρανού χαρτίν έρθεν

Απ’ ουρανού χαρτίν έρθεν,
αρνί μ’, θα ποπαδεύω
[ντό θα ’ίνουμαι;]
Μη κόφκεται η καρδία σ’,
αρνόπο μ’, μασχαρεύω
[ντό θα ’ίνουμαι;/ντό να λέγω σε;]

Απ’ ουρανού χαρτίν έρθεν,
μενύγ’νε με να πάω
[ντό θα ’ίνουμαι;]
Την κάλη μ’, τα πουλόπα μου,
’κ’ εξέρω ντό να/θα ’φτάω!
[ντό θα ’ίνουμαι;]

Απ’ ουρανού χαρτίν έρθεν,
να έξερα ντό λέει!
[ντό να/θα ’ίνουμαι;]
Αέτσ’ πα εγροικώ ατο
[μικρόν αρνί μ’]
και πιάν’ με η κλαίη
[ντό θα ’ίνουμαι;]

Απ’ ουρανού χαρτίν έρθεν,
οφέτος θα σκοτούμαι
[ντό θα ’ίνουμαι;]
Κρύψο με σ’ εγκαλόπο σου,
[ν’ αϊλί εμέν!]
άλλο να μη φοούμαι
[ντό να λέω σε;]