Από μακρά ελέπω σε

Από μακρά ελέπω σε
[πουλί μ’, ελέπω σε]
κι από σουμά τερώ σε
και ’κ’ επορώ να λέω σε,
[πουλί μ’, να λέω σε]
κορτσόπον, αγαπώ σε

Από μακρά ζεστά̤σκουμαι
[πουλί μ’, ζεστά̤σκουμαι]
κι από σουμά κρυώνω
κι ας ση στεναχωρία μου
[στεναχωρία μου]
σίτα̤ στέκω ιδρώνω

Από μάνας ’κ’ εγέλασα,
[πουλί μ’, ’κ’ εγέλασα]
κι από κύρην ’κ’ εχάρα
και ας ση χώρας το παιδίν
[πουλόπο μ’, το παιδίν]
καλόν ημέραν ’κ’ είδα

Αποπουρνού ους να βραδύν’
[πουλί μ’, ους να βραδύν’]
γυρίζω πεινασμένος
και τον λιμόν ξάι ’κ’ εγροικώ,
[πουλόπο μ’, ’κ’ εγροικώ]
είμαι σ̌ασ̌ιρεμένος