Από πατέραν ορφανός

Από πατέραν ορφανός
κι απέσ’ σην εφτωχ̌ίαν [γιαρ/νέι]
ετράνυνα σα βάσανα
και σην τυραννισίαν [γιαρ/νέι]

Ετράνυνα σα βάσανα
και ση [γιαβρί μ’, πουλί μ’] τυραννισίαν [νέι]

Εγώ ντό έρθα ση ζωήν,
κύρην αφού ’κ’ εγνώρτσα; [γιαρ/νέι]
Τα στράτας ντ’ επορπάτεσα
με τα δά̤κρα̤ μ’ επότ’σα [γιαρ/νέι]

Τα στράτας ντ’ επορπάτεσα
με τα δά̤κρυ͜α [ψ̌ηκα μ’/πουλί μ’] επότ’σα [νέι/νέι, νέι, νέι]

Πατέρα, όντες κρού’ς σο νου μ’
λύεται η καρδία μ’ [γιαρ/νέι]
Παίρ’ με κα’ το παράπονον
και ’κ’ έχω παρ’γορίαν [γιαρ/νέι]

Παίρ’ με και το παράπονον
και ’κ’ έχω [ρίζα μ’, πούλι μ’] παρ’γορίαν [νέι]

Πατέρα, εφέκες ορφανά
κι έρημα τα πουλόπα σ’ [γιαρ/νέι]
Ατσ̌άπα πού επέμ’νανε,
πατέρα, τα στουδόπα σ’; [γιαρ/νέι]

Ατσ̌άπα πού επέμ’νανε,
πατέρα, τα στουδόπα σ’; [νέι]
πατέρα μ’, [γιάβρι μ’/πούλι μ’] τα στουδόπα σ’; [νέι]